ஒவ்வொரு தனி மனிதனையும் ஈமானின் பலத்தை அறியச் செய்து, குர்ஆனைப் பெற்றவர்களாக மற்றும் நபியின் வழியில் வாழ்பவர்களாக உருவாக்க முயற்சி செய்வது. மக்களை அல்லாஹ்வோடு, அவனுடைய நபியோடு, அவனுடைய வேதத்தோடு, அவனுடைய மஸ்ஜிதோடு இணைப்பதே இதன் அடிப்படை நோக்கம்.

ஒரு சமூகத்தில் சேவைகள் அதிகரிக்க வேண்டும் என்றால் பொருளாதாரம் மேம்பட வேண்டும். பொருளாதாரம் மேம்பட வேண்டும் என்றால் உழைப்பாளர்கள் அதிகரிக்க வேண்டும். ஒவ்வொரு மஸ்ஜிதும் மஹல்லாவாசிகளை சிறந்த உழைப்பாளர்களாக உருவாக்க முயற்சிக்க வேண்டும். எந்த சமூகம் சிறந்த உழைப்பாளர்களை பெற்றுள்ளதோ, அந்த சமூகம் மிகச்சிறந்த சமூகமாக மாறி தானும் வளர்ந்து, தன் நாட்டையும் வளர்க்கும் என்பதில் எந்த சந்தேகமும் இல்லை. மனித சமுதாயத்தை படைப்பதற்கு முன்பே அவர்களுக்குரிய வாழ்வாதாரத்தை அல்லாஹ் படைத்து விட்டான். ஆனால், அவற்றை முயற்சி செய்வதைக் கொண்டு மட்டுமே பெற்றுக்கொள்ள முடியும்.